453.
निर्गुण निरामय संचले ।
गुणीतीत रुपा आले ।
परात्पर ते सगुण झाले ।
उभे ठाकले विटेवरी ॥१॥
कोटी कंदर्पाच्या दीप्ति ।
विराजली अंगकांति ।
गुणलावण्याची संपत्ती ।
विठ्ठल मूर्ति गोजिरी ॥२॥
पहाताचि प्रवेशे अंतरी ।
मेनी मनाते मोहरी ।
चित्ती चैतन्याते भरी ।
देहभावा उरी उरो नेदी ॥३॥
जीवाचे हरुनिया जीवपण ।
नेदी उरो मी तू पण ।
वंदिताचि याचे चरण ।
करी बोळवण अहंकारा ॥४॥
निळा म्हणे भक्तपती ।
आला पुंडलिकाचिये आर्ती ।
अवघी जाणती नेणती ।
केली सरती पायांपे ॥५॥