2893.
करी ऐसी धावाधावी । चित्त लावी चरणापे ॥१॥
मग तो माझा मायबाप । घेईल ताप हिरूनी ॥धृपद॥
बहुतांच्या मते गोवा । होऊ जीवा नेदावा ॥२॥
तुका म्हणे करुणाबोले । धीर विठ्ठले निघेना ॥३॥

अर्थ :
देवाची प्राप्ती करुन घेण्यासाठी काहीतरी धावाधावी करावी आणि देवाच्या चरणाजवळच आपले चित्त लावावे. मग तो माझा मायबाप तुझे त्रिविधताप हरण करुन घेईन. अनेकजणांचे मते ऐकून आपला जीव अडचणीत येईल असे काही तू होऊ देऊ नकोस. तुकाराम महाराज म्हणतात, तू जर करुणेने विठ्ठलाशी संवाद साधला त्याच्याशी बोलला तर विठ्ठलाला धीरच निघेनाशा होईल.