21.
धर्मग्लानी संबंधी ब्रम्हादि देवांचे क्षीराब्धीशी गमन.

पापी जे अभक्त दैत्य ते माजले । धरणीसी झाले ओझे त्यांचे ॥१॥
दिधलासे त्रास ऋषि मुनि सर्वा । न पूजिती देवा कोणी एक ॥२॥
राहियेले यज्ञ मोडिले कीर्तन । पळाले ब्राह्मण दैत्या भेणे ॥३॥
वत्सरूपी पृथ्वी ब्रह्मयापाशी जाय । नेत्री वाहे तोय सांगतसे ॥४॥
बुडविला धर्म अधर्म झाला फार । सोस-वेना भार मज आता ॥५॥
ब्रम्हा इंद्र आणि बरोबरी शीव । चालियेले सर्व क्षीराब्धीशी ॥६॥
नामा म्हणे आताम करितील स्तुती । सावधान चित्ती परिसावे ॥७॥