2185.
जन्मा येऊनि का रे निदसुरा । जाये भेटी वरा रखुमाईच्या ॥१॥
पाप ताप दैन्य जाईल सकळ । पावसी अढळउत्तम ते ॥धृपद॥
संतमहंतसिद्धहरीदासदाटणी । फिटती पारणी इंद्रियांची ॥२॥
तुका म्हणे तेथे नामाचा गजर । फुकाची अपार लुटी घेई ॥३॥

अर्थ :
अरे जन्माला येऊन तु असा झोपला का आहेस उठ आणि रुक्मिणी मातेच्या वराला पांडुरंगाला पंढरीस भेटण्यासाठी जावा. अरे त्याच्या भेटीने तुझे सर्व पाप ताप नाहीसे होईल आणि अढळ अशा उत्तम स्थितीला तु प्राप्त होऊ शकतो. अरे तेथे संत, महंत, सिद्ध, हरिदास यांची गर्दी झालेली आहे त्यांच्या गर्दीत तु जा म्हणजे तुला त्यांचे दर्शन होईल त्यांच्याकडून तुला हरी कथा ऐकण्यास मिळेल त्यांचे पदस्पर्श होईल अशाप्रकारे तुझ्या सर्व इंद्रियांचे पारणे फिटतील. तुकाराम महाराज म्हणतात अरे तेथे हरिनामाचा गजर चाललेला असतो आणि त्यानिमित्ताने तु अपार अशा लाभाला फुकट लुटून घेऊ शकतोस.