2161.
बहु बरे एकाएकी । संग चुकी करावा ॥१॥
ऐसे बरे जाले ठावे । अनुभवे आपुल्या ॥धृपद॥
सांगावे ते काम मना । सलगी जना नेदावी ॥२॥
तुका म्हणे निघे आगी । दुजे संगी आतळता ॥३॥

अर्थ :
वाईट लोकांची संगती चुकवावी आणि एकातात राहणे हेच खूप चांगले आहे. असे मला माझ्या अनुभवाने कळले माहीत झाले हे बरे झाले. काही जर काम सांगायचे झाले तर ते स्वतःच्या मनाला सांगावे परंतु लोकांची संगती करू नये. तुकाराम महाराज म्हणतात एक काष्ट जर दुसऱ्या कष्टाला घासले तर त्यामधून अग्नी उत्पन्न होतो त्याप्रमाणे आपले व लोकांचे विचार एक झाले तर त्यामधून षड विकार निर्माण होतात त्यामुळे एकातात राहणे हेच चांगले आहे.