237.
बळियाचे अंकित । आम्ही झालो बळिवंत ॥१॥
लाथाळीता संसारा । केला षड ऊर्मीचा मारा ॥धृपद॥
जन धन तन । केले तृणाही समान ॥२॥
तुका म्हणे आता । आम्ही मुक्तीचिया माथा ॥३॥

अर्थ :
सर्व जगात जो स्वामी बळीवंत आहे त्याचे आम्ही अंकित झालो त्यामुळे आम्हीही बळीवंत झालो आहोत. त्यामुळे आम्ही या संसाराला लाथ मारून सहा उर्मींचा नाश केला आहे. जन धन व तन या सर्वाना आम्ही तृण म्हणजे कसपटा समान मानले आहे. तुकाराम महाराज म्हणतात आता तर आम्ही मुक्तीच्याही माथ्यावर बसलो आहोत.