2286.
वर्म जाणे तो विरळा । तयांचीं लक्षणे पै सोळा । देही देव पाहे डोळा । तोचि ब्रह्माज्ञानीं ॥१॥
जन निंदो अथवा वंदो । जया नाही भेदाभेद । विधिनिषेधाचें शब्द । अंगी न बाणती ॥२॥
कार्य कारण कर्तव्यता । हे पिसे नाही सर्वथा । उन्मनी समाधी अवस्था । न मोडे जयाची ॥३॥
कर्म अकर्मचा ताठा । न बाणेचि अंगी वोखटा । वाउग्या त्या चेष्टा । करीना कांही ॥४॥
शरण एका जनार्दनी । तोचि एक ब्रह्माज्ञानी । तयाचे दरुशनी । प्राणियासी उद्धार ॥५॥