3700.
बहु काळी बहु काळी । आम्ही देवाची गोवळी ॥१॥
नाही विट देतो भाते । जेऊ बैसवु सांगाते ॥धृपद॥
बहु काळे बहु काळे । माझे पाघरे कांबळे ॥२॥
तुका म्हणे नाही नाही । त्याचे आमचे से काही ॥३॥

अर्थ :
आम्ही खूप काळापासून देवाची गोवळी सखे आहोत. ज्याला कोणत्याही प्रकारचा वीट नाही अशा प्रकारचा दही भात काला तो आम्हाला देतो व एकमेकांच्या सोबतच जेवण करतो. माझे घोंगडे खूप काळापासून तो पाघरत आहे. तुकाराम महाराज म्हणतात. अहो आमचे काहीच नाही आमचे काहीच नाही सर्व काही त्याचेच आहे.