1026.
कथेचा उलंघ तो अधम अधम । नावडे ज्या नाम ओळखा तो ॥१॥
कासया जीऊन जाला भूमी भार । अनउपकार माते कुंसी ॥धृपद॥
निद्रेचा आदर जागरणी वीट । त्याचे पोटी कीट कुपथ्याचे ॥२॥
तुका म्हणे दोन्ही बुडविली कुळे । ज्याचे तोंड काळे कथेमाजी ॥३॥

अर्थ :
ज्याला हरिकथा आवडत नाही आणि जो हरीचे नाम हे ओळखत नाही घेत नाही तो अधमातील अधम आहे असे जाणावे. असा कृतघ्न मनुष्य मातेच्या पोटी येऊन भूमीला भार का झाला असेल ? अशा माणसांना निद्रा असते हरी जागरणात ते कधीही येत नाहीत व यांच्या पोटामध्ये या कारणाने पाप व वासनारूपी किट उत्पन्न होते. तुकाराम महाराज म्हणतात ज्या कोणाला हरिकथेची आवड नाही त्याने आपल्या आईचे व बापाचे हे दोन्हीकुळ बुडविले असे समजावे.