1256.
काय पुण्य ऐसे आहे मजपाशी । तांतडी धावसी पांडुरंगा ॥१॥
काय ऐसा भक्त वाया गेलो थोर । तू मज समोर होसी वेगा ॥धृपद॥
काय कष्ट माझे देखिली चाकरी । तो तू झडकरी पाचारिशी ॥२॥
कोण मी नावाचा थोर गेलो मोटा । अपराधी करंटा नारायणा ॥३॥
तुका म्हणे नाही ठाउके संचित । येणे जन्महित नाही केले ॥४॥

अर्थ :
हे पांडुरंगा माझ्याकडे असे कोणते पुण्य आहे की ज्या कारणामुळे तू माझ्या कडे धावते येशील ? देवा असा मी कोणता भक्त वाया जाणार आहे की ज्यामुळे तू तातडीने माझ्या पुढे येशील ? देवा तू माझे असे कोणते कष्ट पाहिले किंवा चाकरी पाहिली की ज्यामुळे तू मला तुझ्याकडे बोलशील ? हे नारायणा असा मी कोणता मोठा लागून गेला आहे, मी तर करंटा आहे. तुकाराम महाराज म्हणतात मला माझे संचित माहित नाही परंतु माझ्या या जन्मात मी कोणतेच स्वहिताचे काम केले नाही.