2958.
तू माझा कोंवसा । परी न कळे या धसा ॥१॥
कूट खाती मागे पुढे । जाती निरयगावा पुढे ॥धृपद॥
मज म्हणती कवी । निषेधुनि पापी जेवी ॥२॥
तुका म्हणे पांडुरंगा । आता कोण लेखी जगा ॥३॥

अर्थ :
देवा तू माझा आधार आहेस परंतू या धसाळ लोकांना हे मात्र कळतच नाही. देवा अहो हे लोक माझ्या पुढे किंवा मागे माझी निंदा करतात व निंदारुपी कुट हे लोक खातात याने ते नरकरुपी गावालाच पुढे नक्की जातील. हे पापी लोक माझा निषेध करुन मला कवी असे म्हणून माझी निंदा करतात. तुकाराम महाराज म्हणतात, हे पाडूरंगा आता या जगाची कोण लेखी करते यांच्याशी मला काहीही एक कर्तव्य नाही.