1972.
जायजाणा देह जाईल नेणसी | लौकिकी मिरविसी लाजेसिना ॥१॥
माझे माझे माझे मानिसी निभ्रांत | करिसी आघात रात्रंदिवस ॥२॥
सांग तू कोणाचा आलासि कोठोनि | दृढ बुद्धि मनी विचारी पा ॥३॥
धन संपत्ति करोनि मदे मातलासी | पुढत पुढती पडसी गर्भवासी ॥४॥
पुत्र कलत्र दारा यांचा जालासी म्हणियारा | यांच्या पातकांचा भारा बाहसील ॥५॥
अंती यमापाशी बांधोनिया नेती | कवतुक पाहती सकळ जन ॥६॥
नानापरी तुज करिती यातना | सांगे तेथे कोणा बोभाशील ॥७॥
धन पुत्र दारा तुज नये कामा | एका मेघश्यामा वांचोनिया ॥८॥
विषयाचेनि संगे भुलशील झणे | भोगिसी पतने रात्रंदिवस ॥९॥
नामा म्हणे एक ध्यायी कमलापति | निजाचा सांगाति केशवराज ॥१०॥