859.
वैष्णवामाजी एक बळी | पृथु जाला दुजा महीतळी |हरि नांदे प्रल्हादाजवळी | नारदे वनमाळी दान घेतला ॥१॥
बिभीषणे पूजिला लंके हरी | भीष्मे देखिला द्वारकेभीतरी |अर्जुने केला साहकारी | सारथि हरी पांडवांचा ॥२॥
उद्धवे तप केले समर्थ | अक्रूर नित्य वंदनार्थ |गाई गोपिका गोपाळात| तो स्तन पीत यशोदेचे ॥३॥
नंदा वसुदेवा लाधले | बळि देवे ऐसेचि पुण्य केले |उग्रसेने तप साधिले | रत्न साधिले रुक्मिणीने ॥४॥
गरुड हनुमंत शेषादिक नित्य जाले हरिचे सेवक |चरणीच्या उदका शिवादिक | नित्य मस्तक खालाविती ॥५॥
ऐसा दुर्लभ हरीराजा | वर्णिता होती चतुर्भुजा |जड जीवा तारिल केशवराजा | उभारोनि भुजा सांगे नामा ॥६॥