2045.
आम्ही नाचो तेणे सुखे । वाऊ टाळी गातो मुखे ॥१॥
देव कृपेचा कोवळा । शरणागता पाळी लळा ॥धृपद॥
आम्हा जाला हा निर्धार । मागे तारिले अपार ॥२॥
तुका म्हणे संती । वर्म दिले आम्हा हाती ॥३॥

अर्थ :
आम्ही निष्काम भक्ती सुखाने विठ्ठलापुढे नाचू टाळी वाजवू आणि त्याचे गीत मुखाने गात राहू. देव भक्तांवर कृपा करण्यासाठी अतिशय कोवळा आहे आणि त्याला शरण आलेल्या भक्तांचा लळा तो पाळत असतो. आता आम्हाला त्याच्यावर पूर्णपणे निर्धार झालेला आहे मागे त्याने अनेक भक्तांना तारलेले आहे. तुकाराम महाराज म्हणतात या भवसागरातून तरून जाण्याकरता संतांनी आमच्या हाती विठ्ठल नामाचे खरे वर्म दिले आहे.