9.
विमानांची दाटी अंतरिक्षी देव । करिताती सर्व गर्भस्तुति ॥१॥
सत्रा अक्षरांत असे तुझी मूर्ती । यज्ञेशा तुजप्रती नमो नमो ॥२॥
सहाजणी भांडती नवजणी स्थापिती । न कळे कोणाप्रती अंत तुझा ॥३॥
आठराजणे तुझी वर्णिताती कीर्ति । गुणातीत श्रीपति नमो तुज ॥४॥
चौघा जणा तुझा न कळेचि पार । श्रमसी वारंवार आम्हांसाठी ॥५॥
आठ्यांशी सहस्त्र वर्णिताती तुज । ब्रम्हाडांचे बीज तुज नमो ॥६॥
जन्म मरणाने नाही तया भय । आठविती पाय तुझेजे का ॥७॥
नवजणी तुझ्या पायी लोळतांती । परब्रम्हा मूर्ति तुज नमो ॥८॥
नामाम्हणे ऐसी करिताती स्तुती । पुष्पे वाहूनि जाती स्वस्थळासी ॥९॥