6.
अजानवृक्षांची पाने जाण । जो भक्षून करील अनुष्ठान ।
त्यासी साध्य होईल ज्ञान । जेथे संशय नाही ॥१॥
ज्ञानेश्र्वरी तीन सप्तके । जो श्रवण करील विवेके ।
तो होय ज्ञानी अधिके । येथे संशय नाही ॥२॥
मणिकर्णिका भागीरथी । इंद्रायणीचे स्नान करिती ।
ते मोक्षपदासी जाती । येथे संशय नाही ॥३॥
अश्वत्थ सिद्धेश्वर । समाधीसी करी नमस्कार ।
तो पावे मोक्ष पै सार । येथे संशय नाही ॥४॥
येथींचे वृक्षपाषाण । ते अवघे देव जाण ।
म्हणे एका जनार्दन । येथे संशय नाही ॥५॥