2380.
सुख नाही कोठे आलिया संसारी । वाया हावभरी होऊ नका ॥१॥
दुःखबांदवडी आहे हा संसार । सुखाचा विचार नाही कोठे ॥धृपद॥
चवदा कल्पेवरी आयुष्य जयाला । परी तो राहिला ताटीखाली ॥२॥
तुका म्हणे वेगी जाय सुटोनिया । धरूनि हृदयामाजी हरी ॥३॥

अर्थ :
या संसारात आल्यानंतर सुख कोठेही नाही त्यामुळे तुम्ही व्यर्थ हावभरी होऊ नका. संसार म्हणजे दुःखाचा बंदीखाणा आहे त्यामुळे येथे कोठेही सुखाचा विचार करता येत नाही. चौदा कल्प आयुष्य ज्याला आहे असा मार्कंडेय ऋषी सूर्यकिरणांच्या पासून त्रास होतो म्हणूनच झोपडी बांधून त्या खाली राहिला आहे. तुकाराम महाराज म्हणतात त्यामुळे या बंदी खाण्यातून लवकर सुटून जा आणि हरीला हृदयात साठवून ठेव.
5:38