1556.
वेडे वाकुडे गाईन । परि तुझाचि म्हणवीन ॥१॥
मज तारी दिनानाथा । ब्रीद साच करी आता ॥धृपद॥
केल्या अपराधाच्या राशी । म्हणऊनि आलो तुजपाशी ॥२॥
तुका म्हणे मज तारी । सांडी ब्रीद नाहीतरी ॥३॥

अर्थ :
देवा तुझे नांव माझ्या मुखाने जसे येईल वेडेवाकडे, कसे का होईना पण मी ते गाईनच आणि तुझाच स्वतःला म्हणून घेईल. हे दीनानाथा तु या भवसागरातून मला तार आणि आता तुझे ब्रीद खरे कर. देवा मी आज पर्यंत अनेक अपराध केले आहेत त्यामुळे मी तुझ्याजवळ आलो आहे. तुकाराम महाराज म्हणतात देवा तू मला या भवसागरातून तार नाहीतर तू तुझे ब्रीद सोडून द्यावे.