पूर्वप्राप्ती दैवयो
100.
पूर्वप्राप्ती दैवयोगे पंगु झालो मी अज्ञान । विषय बुंथी घेऊनिया त्याचे केले पोषण ।
चालता धर्म बापा विसरलो गुह्य ज्ञान । अवचटे गुरुमार्गे प्रगट बह्माज्ञान ॥१॥
दाते हो वेग करा कृपाळु बा श्रीहरि । समता सर्व भावी शांती क्षमा निर्धारी ।
सुटेल विषयग्रंथी विहंगम आचारी ॥२॥
शरण रिघे सद्गुरु पाया पांग फिटेल पांचाचा । पांगुळले आपेआप हा निर्धारु पै साचा ।
मनामाजी रुप घाली मी माजी तेथे कैचा । हरपली देह बुध्दि एकाकार शिवाचा ॥३॥
निजबोधे धवळा शुध्द यावरी आरुढ पै गा । क्षीराब्धी बोध वाहे तेथे जाय पा वेगा ।
वासना माझी ऐसी करी परिपूर्ण गंगा । नित्य हे ज्ञान घेई अद्वैत रुप लिंगा ॥४॥
पावन होशी आधी पांग फिटले जन्माचा । अंधपंग विषयग्रंथी पावन होशील साचा ।
पांडूरंग होसी आधी फळ पीक जन्माचा । दृष्टी बुध्दीटाकी वेगी टाहो करी नामाचा ॥५॥
ज्ञानदेव पंगुपणे पांगुळली वासना । मुराले ब्रह्मी मन ज्ञेय ज्ञाता पुरातना ।
दृश्य हे लोपले बापा परती नारायणा । निवृत्ती गुरु माझा लागो त्याच्या चरणा ॥६॥