186.
तुझिये निढळ कोटि चंद्र प्रकाशे ।
कमल नयन हास्य वदन हासे ॥
कृष्णा हाल का रे कृष्णा डोल का रे ।
घडिये घडिये घडिये गुज बोलका रे ॥
उभा राहोनिया कैसा हालवितो बाहो ।
बाप रखुमादेविरु विठ्ठलु नाहो ॥

अर्थ :
तुझ्या कपाळी कोटी चंद्राचा प्रकाश आहे. हे कमलनयना तु आम्हाला तुझे हास्य दाखव. हे कृष्णा तु जरा हाल व डोल व घडीभर तरी आमच्या बरोबर हित (आमचे) -गुज ( तुझे ज्ञान) कर. माझे पिता व रखुमाई पती श्री विठ्ठल उभे राहुन कशा बाह्य हालवतात ते पहा.