1918.
सापे ज्यासी खावे । तेणे प्राणासी मुकावे ॥१॥
काय लाधला दुर्जन । तोंडावरी थुंकी जन ॥धृपद॥
विंचु हाणी नांगी । अग्न लावी आणिका अंगी ॥२॥
तुका म्हणे जाती । नरका पाउली चालती ॥३॥

अर्थ :
ज्याला सर्प चावतो तो प्राणाला मुखतो. परंतु दुर्जन मनुष्य सर्वाचा घात करतो त्याच्या अशा वागण्याने सर्व लोक त्याच्या तोंडावर थुंकतात. विंचू तर केवळ नांगी मारतो परंतु हा दुर्जन मनुष्य चांगल्या मनुष्याच्या अंगात आग लावतो म्हणजे त्याला भडकवत असतो. तुकाराम महाराज म्हणतात दृष्ट जातीचे ही लोक समाजात भरपूर आहेत परंतु त्यांचे वागणे त्यांना त्यांच्या पायाने नरकाच्या दिशेने चालत नेतात.