72.
ऐके ऐके बाई यशोदे । नवल केले तुझ्या गोविंदे । आमुची मुलें तुडविली पदें । आता यासी बांधीना ॥१॥
आवरीं आवरीं आपुला कान्हां । नाशियल्या आमुच्या सुना । अझुनि नये तुझ्या मना॥तुझा तुला गोड वाटे कान्हा ॥२॥ येतो आमुचे घरासी । धमकावितो लेकीसुनासी । कोठे लोणी सांग आम्हांसी । न सांगता वासुरे सोडी बिदीसी ॥३॥ आपण खातो दही दुध लोणीं । हात पुसतो सुनेच्या मुखालागुनीं । एका जनर्दनी करी करणी । जातो पळोनि तेथोनी ॥४॥