492.
काय देह घालू करवती कर्मरी । टाकु या भितरी अग्नीमाजी ॥१॥
काय सेवू वन शीत उष्ण तहान । साहो की मौन धरुनी बैसो ॥धृपद॥
काय लावू अंगी भस्म उधळण । हिंडू देश कोण खुंट चारी ॥२॥
काय त्यजू अन्न करूनि उपास । काय करू नाश जीवित्वाचा ॥३॥
तुका म्हणे काय करावा उपाव । ऐसा देई भाव पांडुरंगा ॥४॥

अर्थ :
देवा आता तुमची माझी भेट होण्यासाठी मी माझ्या देहावर करवत चालवून घेऊ का, का माझ्या शरीराला अग्नीमध्ये टाकून देऊ ? वना मध्ये जाऊन, शीत उष्ण, तहान याचे ताप सहन करू कि मौन घेऊन बसू, कि सर्व अंगाला भस्म फासू ? देशांतराला जाऊ कि चारी दिशा फिरू ? अरे देवा मग मी अन्नत्याग करू ठीक आहे कि माझ्या जीवाचं नाश करून घेऊ ? तुकाराम महाराज म्हणतात तुझ्या भेटी करिता काय उपाय करू ते सांग ?