लिंगाष्टक स्तोत्रम...

ब्रह्ममुरारिसुरार्चितलिङ्ग, निर्मलभासितशोभितलिङ्गम्।
जन्मजदुःखविनाशकलिङ्गं, तत्प्रणमामि सदाशिवलिङ्गम्।

देवमुनिप्रवरार्चितलिङ्ग, कामदहं करुणाकरलिङ्गम्।
रावणदर्पविनाशन लिङ्ग, तत्प्रणमामि सदाशिवलिङ्गम्।

सर्वसुगन्धिसुलेपितलिङ्ग, बुद्धिविवर्धन कारणलिङ्गम्।
सिद्धसुराऽसुरवन्दितलिङ्ग, तत्प्रणमामि सदाशिवलिङ्गम्।

कनकमहामणिभूषितलिङ्ग, फणिपतिवेष्टितशोभितलिङ्गम्।
दक्षसुयज्ञविनाशनलिङ्ग, तत्प्रणमामि सदाशिवलिङ्गम्।

कुंकुमचन्दनलेपितलिङ्ग, पंकजहारसुशोभितलिङ्गम्।
सञ्चितपापविनाशनलिङ्ग, तत्प्रणमामि सदाशिवलिङ्गम्।

देवगणार्चितसेवितलिङ्ग, भावैर्भक्तिभिरेव च लिङ्गम्।
दिनकरकोटि-प्रभाकरलिङ्गं, तत्प्रणमामि सदाशिवलिङ्गम्।

अष्टदलोपरि वेष्टितलिङ्ग, सर्वसमुद्भव-कारणलिङ्गम्।
अष्टदरिद्र-विनाशितलिङ्ग, तत्प्रणमामि सदाशिवलिङ्गम्।

सुरगुरुसुरवर-पूजितलिङ्ग, सुरवनपुष्पसदार्चितलिङ्गम्।
परात्परं परमात्मकलिङ्ग, तत्प्रणमामि सदाशिव लिङ्गम्।

लिङ्गाष्टकमिदं पुण्यं, यः पठेच्छिवसन्निधौ।
शिवलोकमवाप्नोति, शिवेन सह मोदते।