2012.
कल्पतरूखाली । फळे येती मागीतली ॥१॥
तेथे बैसल्याचा भाव । विचारूनि बोले ठाव ॥धृपद॥
द्यावे ते उत्तर । येतो प्रतीतीचा तो फेर ॥२॥
तुका म्हणे मनी । आपुल्या च लाभहानि ॥३॥

अर्थ :
कल्पतरू वृक्षाच्या खाली बसून आपण जे फळ मागू ते आपोआप येते. तेथे बसणाऱ्या चा भक्ती भाव हा शुद्ध असला पाहिजे आणि जे योग्य आहे तेच विचार करून मागितले पाहिजे तरच आपल्याला ते फळ मिळते. मग आपण जे काही मागू ते आपल्याला एका नंतर एक प्राप्त होते. तुकाराम महाराज म्हणतात आपण आपल्या मनामध्ये ज्याप्रमाणे चांगल्या वाईट गोष्टींची इच्छा कल्पतरूच्या वृक्षाखाली करतो त्याप्रमाणे आपल्याला लाभ हानी होते.