1961.
झरा लागला सुखाचा । ऐसा मापारी कइंचा ॥१॥
जो हे माप तोंडे धरी । सळे जाली ते आवरी ॥धृपद॥
जाले बहु काळ । कोणा नाही ऐसे बळ ॥२॥
तुका म्हणे तळ । नाही पाहेसा सकळ ॥३॥

अर्थ :
हरीची सुखप्राप्ती झाल्यानंतर माझ्या चित्तामध्ये अखंड प्रेम सुखाचा जरा वहात आहे आणि त्या सुखाचा माप घेणारा कोणी आहे काय. आता हे माप चित्ता पासून तोंडापर्यंत टाकून झाले आहे मग त्याला आवरायला हवे असे कोण ठरवील. सुखात खूप दिवस घालविले पण त्याची मर्यादा सांगता येईल असे कोणातही सामर्थ्य नाही. तुकाराम महाराज म्हणतात त्या सुखाचा तळ पाऊ शकेल असाही कोणी नाही.