4002.
उठा भागलेती उजगरा । जाला स्वामी निद्रा करा ॥१॥
वाट पाहाते रुक्मिणी । उभी मंचक संवारुणी ॥धृपद॥
केली करा क्षमा । बडबड पुरुषोत्तमा ॥२॥
लागतो चरणा । तुकयाबंधु नारायणा ॥३॥

अर्थ :
स्वामी तुम्ही बाहेरील येरझार्‍या घालून फारच थकले आहात चला आता तुम्ही निद्रा करा. सर्व सेज पलंग आवरुन रुक्मिणी देवी तुमची वाट पाहात आहेत. हे पुरुषोत्तमा मी जी काही बडबड केली आहे त्याबद्दल मला तुम्ही क्षमा करा. तुकाराम महाराजांचे बंधू कान्होबा म्हणतात, हे नारायणा मी तुमच्या चरणी लीन होत आहे.