3097.
भूमीवरी कोण ऐसा । गांजू शके हरीच्या दासा ॥१॥
सुखे नाचा हो कीर्त्तनी । जयजयकारे गर्जा वाणी ॥धृपद॥
काळा सुटे पळ । जाती दुरिते सकळ ॥२॥
तुका म्हणे चित्ती । साच माना हे निश्चिंती ॥३॥

अर्थ :
या भूमीवर असा कोण आहे की, जो हरीच्या दासांना त्रास देऊ शकेल ? त्यामुळे कोणालाही घाबरु नका सुखाने हरी किर्तन करा हरीची गर्जना व जयजयकार वाणीने करत राहा. असे केल्याने काळ पळत सुटेल आणि तुमची सर्व पातके नाहीसी होतील. तुकाराम महाराज म्हणतात, मी जे काही तुम्हाला सांगितले आहे ते अगदी खरे आहे व निश्चिंत आहे हे तुम्ही जाणा.