1395.
शृंगारिक माझी नव्हती उत्तरे । आळवितो खरे अवस्थेच्या ॥१॥
न घलावा मधी कामाचा विलंब । तुम्ही तो स्वयंभ करुणामूर्ती ॥२॥
तुका म्हणे केले सन्मुख वदन । देखता चरण पोटाळीन ॥३॥

अर्थ :
देवा माझी बोलणे म्हणजे शृंगारिक नाही माझी अवस्था तशी झाली आहे त्यामुळे मी तुला आळवित आहे. देवा तुम्ही स्वयंभू करूणेची मूर्ती आहात. त्यामुळे माझ्या भेटीसाठी मध्ये कोणताही अडथळा करू नका. तुकाराम महाराज म्हणतात देवा मी तुमची वाट पाहत आहे तुमच्या भेटीच्या दिशेने बसलो, आता मला तुमची चरण दिसले की ते मी माझ्या हृदयाशी कवटीळीण.