1396.
तू माझी माउली तू माझी साउली । पाहातो वाटुली पांडुरंगे ॥१॥
तू मज येकुला वडील धाकुला । तू मज आपुला सोयरा जीव ॥२॥
तुका म्हणे जीव तुजपाशी असे । तुझियाने ओस सर्व दिशा ॥३॥

अर्थ :
हे पांडुरंगे तू माझी आई, सावली आहेस त्यामुळे मी तुझी वाट पाहत आहे. हे पांडुरंगा तूच मला वडील धाकटा जिवलगा सोयरा सज्जन सर्वकाही आहेस. तुकाराम महाराज म्हणतात देवा माझा जीव तुझ्या पायापाशी आहे आणि तुझ्या वाचून मला सर्व दिशा ओस वाटतात.