1093.
देव म्हणे ऐसे आठवाल कोठवर | होईल उशीर समाधीशी ॥१॥
निरंजनी समाधि निरांतर तुम्हांसी | व्यर्थ कसाविसी होऊ नये ॥२॥
निवृत्तीसी पोटी धरिले देवाने | केले समाधान अवधियांचे ॥३॥
ब्रह्मणि ही कळा पुढे मुक्ताबाई | देवा सांगा कांही आम्हांलागी ॥४॥
देव म्हणे तुज येणे जाणे नाही | अनुभवोनि पाही जीवन्मुक्ती ॥५॥
म्हणे मुक्ताई सख्या ज्ञानेश्वरा | प्रार्थना तुम्ही करा देवालागी ॥६॥
ज्ञानदेवे वचन घातले देवांवर | विश्वाचे मनोर पांडुरंग ॥७॥
नामा म्हणे स्वामि प्रेमाचिया रंगे | बोलावणे स्वांगे करू आम्ही ॥८॥