301.
वसवावे घर । देवे बरे निरंतर ॥१॥
संग आसनी शयनी । घडे भोजनी गमनी ॥धृपद॥.
संकल्प विकल्प । मावळोनि पुण्यपाप ॥२॥
तुका म्हणे काळ । अवघा गोविंदे सुकाळ ॥३॥

अर्थ :
हरीने माझ्या देहात निरंतर घर करून रहावे. म्हणजे कायमस्वरूपी माझ्यासंगे जेवताना झोपताना भोजन करताना माझ्याबरोबर देवाने राहावे. त्यामुळे माझ्या मनातील संकल्प-विकल्प हे जळून जाऊन पापपुण्य ही माझ्या मध्ये येणार नाही. तुकाराम महाराज म्हणतात असे झाले म्हणजे माझा सर्वकाळ चांगला व या गोविंदा सोबत जाईल.