302.
येथील हा ठसा । गेला पडोनिया ऐसा ॥१॥
घरी देवाचा अबोला । त्यासि तेचि सवे त्याला ॥ध्रु॥.
नाही पाहावे लागत । एका एकीच ते रिते ॥२॥
तुका म्हणे जन । तयामध्ये येवढे भिन्न ॥३॥

अर्थ :
या भू लोकांमध्ये अशी एक प्रथा पडून गेलेली आहे, कि लोक देवाशी अबोलाधरतात देवाचे नांव घेत नाही त्यामुळे देवही त्याच्याशी अबोला धरून जो जसे वागेल तसेच तो वागतो. हे पाहण्याची गरज नाही की देव लोकाला आठवत नाही कारण लोक देवाला आठवीत नाही त्यामुळे दोघाचे एकमेकांविषयी हृदय मोकळे आहे. तुकाराम महाराज म्हणतात याच कारणामुळे देवात आणि लोकात मोठे अंतर पडले आहे.