1.
महापुरुष आरत्या

॥ जय देव, जय शिवराया ॥

जय देव, जय देव, जय शिवराया
आलो तवद्वारी आरती गाया
जय देव, जय देव, जय शिवराया,
आलो तवद्वारी आरती गाया

शिव शंकराचा, तू अवतार
हाती घेउनी, भवानी तलवार
नर राक्षसांचा, करुणी संहार
धरणी मातेचा तू , केला उद्धार
जय देव, जय देव, जय शिवराया,
आलो तवद्वारी आरती गाया……

नाथा, अनाथा. तू सामर्थ्य वंत
मावळते बळ केले जीवंत
राजा, धिराजा, तू होऊनी संत
जाणता राजा तू योगी श्रीमंत
जय देव, जय देव, जय शिवराया,
आलो तवद्वारी आरती गाया……

भक्ती, शक्ती, युक्तीचा अधिकारी
दुर्जन मर्दन, तूच, सज्जन तारी
शिव तुझे नाम हे, संकट हारी
नीत, विनीत, मी शिवबा शिवारी
जय देव, जय देव, जय शिवराया,
आलो तवद्वारी आरती गाया……