780.
वेश वंदाया पुरते । कोण ब्राम्हण निरुते ॥१॥
ऐसे सांगा मजपाशी । संता निरवितो येविशी ॥धृपद॥
असा जी प्रवीण । ग्रंथी कळे शुद्धहीण ॥२॥
तुका म्हणे लोपे । सत्याचिया घडती पापे ॥३॥

अर्थ :
आचार भ्रष्ट असलेले ब्राम्हणाने परिधान केलेला वेश म्हणजे फक्त त्यांना नमस्कार करण्यापुरता आहे. मग ते ब्राम्हण आहेत का ? संताना हा प्रश्न मी विचारीत असून त्यांनी याचे मला उत्तर द्यावे सर्व ग्रंथात तुम्ही प्रवीण आहात तुम्हाला चांगले आणि वाईट कळते. तुकाराम महाराज म्हणतात सत्य लोपले कि पाप अपोआप घडते.