1268.
आपणा वेगळा कशाला निवडिसी | का मज दवडिसी सांग नाम्या ॥१॥
बरवे पुत्रपण जालासी उत्तीर्ण | आता अभिमान पाहे माझा ॥२॥
तुज नेल्यावीण नवजाय येथून | पंढरी गिळीन विठोबासहित ॥३॥
|माझेसी लेकरू मज आहे अव्हेरु | मज आहे निर्धारू विठोबासी ॥४॥
हा दानवांते छळी आपणा म्हणवी बळी | ते मजजवळी न चले कांही ॥५॥
विटेसहित चरणी बांधित आपुला गळा | क्षण जीवा वेगळा जाऊ नेदी ॥६॥
आसनी शयनी न विसंबे भोजनी | घालिन मुरडोनि हृदयामाजी |॥७॥
या देहाचा संकल्प आलेसे करोन | घातलेसे पाणी घरादारा ॥८॥
हा त्रिभुवनी समर्थ मी असे जाणत | पाहेन पुरुषार्थ आजी याचा ॥९॥
अठ्ठावीस युगे भरली तया बोला | धरोनि उभा केला पुंडलिके ॥१०॥
गोणाई म्हणे देवा होई का शहाणा | वाया का परधना धरिसी लोभु ॥११॥