23.
निंदी कोणी मारी । वंदी कोणी पूजा करी ॥१॥
मज हे ही नाही ते ही नाही । वेगळा दोही पासुनी ॥धृपद॥
देहभोग भोगे घडे । जे जे जोडे ते बरे ॥२॥
अवघे पावे नारायणी । जनार्दनी तुकयांचे ॥३॥

अर्थ :
या जगात आपली कुणी स्तुति करो वा निंदा करो, मला त्याचे काही सुखदुःख वाटत नाही. कारण निंदा व स्तुति या दोन्ही गोष्टी पासून मी निराळा आहे. पूर्वसंचितानुसार या देहाला सुखदुःख प्राप्त होतात, ते देहभोग मी निमुटपने भोगतो. तुकाराम महाराज म्हणतात मी विठ्ठलरूप असल्यामुळे माझे देह भोग मी विट्ठलालाच अर्पण करीत आहे.