45.
चतुरपणे चतुराननु पै भागला ।
शिवपणे शिवरूपु पै जाहला ॥
हरिपणे हरि अंग रिघाला ।
या तिहींचा मेळा न दिसे गे माये ॥
रखुमादेविवरू तिही गुणा वेगळा ।
शक्ती नव्हे दादुला गे माये ॥

अर्थ :
तोच ब्रह्मा रुपाने सृष्टीची चतुर निर्मिती करता थकला व तोच शिवपणाने शिवरुप झाला. तोच हरिपणाने हरि अंग झाला हे जर एकत्व असले तरी हे जिवरुपी सखी मला त्याचा मेळ लागत नाही. असा तो तिन्हीगुणाहुन निराळा असणारा रखुमाईचा पती हा शक्ती नसुन माझा नवरा आहे. असे माऊली सांगतात.