3532.
रूपी गोवियेले चित्त । पायी राहिले निश्चिंत ॥१॥
तुह्मी देवा अवघेचि गोमटे । मुख देखता दुःख न भेटे ॥धृपद॥
जाली इंद्रिया विश्रांति । भ्रमता पीडत ते होती ॥२॥
तुका म्हणे भेटी । सुटली भवबंदाची गाठी ॥३॥

अर्थ :
देवाच्या रुपाच्या ठिकाणी माझे मन गोवले गेले आहे आणि पायाच्या ठिकाणी निश्चिंत झाले आहे. देवा तुम्ही सर्वांगाने गोड आहात तुमचे मुख जरी पाहिले तरी दु:खाची भेट होत नाही. देवा माझ्या इंद्रियांना विविध प्रकारच्या विकारांनी व विषयाने त्रास होत होता परंतू आता तुमच्या रुपाच्या ठिकाणी व पायाच्या ठिकाणी माझे चित्त स्थिर झाले त्यामुळे माझ्या इंद्रियांना विश्रांती मिळाली आहे. तुकाराम महाराज म्हणतात देवा तुमच्या भेटीने भवबंधाची गाठच सुटली.