650.
टाळ दिंडी हाती । वैकुंठीचे ते सांगाती ॥१॥
जाल तरी कोणा जा गा । करा सिदोरी ते वेगा ॥धृपद॥
जाती सादावीत । तेथे असो द्यावे चित्त ॥२॥
तुका म्हणे बोल । जाती बोलत विठ्ठल ॥३॥

अर्थ :
टाळ विणा हे वैकुंठाचे मार्ग आहे. ज्यांना कोणाला वैकुंठाला जायचे आहे त्यांनी हरीच्या दासा बरोबर त्यांच्या सोबत जावे. व पुण्याची शिदोरी लवकर तयार करावी ते सर्वाना साद देत आहेत तिकडे सर्वानी लक्ष द्यावे. तुकाराम महाराज म्हणतात ते सर्व वैष्णव विठ्ठलाचे नांव मोठ मोठ्याने घेत व गात जात आहेत.