1812.
लापणिक शब्दे नातुडे हा देव । मनिचा गुह्य भाव शुद्ध बोला ॥१॥
अंतरिचा भेद जाणे परमानंद । जयासी संवाद करणे लागे ॥धृपद॥
तुका म्हणे जरी आपुले स्वहित । तरी करी चित्त शुद्ध भावे ॥२॥

अर्थ :
अहो कपटी शब्दाने बोलून देवाचे प्राप्ती केव्हाही करून घेता येत नाही तर त्याकरता जो मनातील गोड भाव आहे तो शुद्ध चित्ताने बोलावा. संवाद करणाऱ्या व्यक्तीचे अंतरंगातील भेद परमानंद जाणत असतो. तुकाराम महाराज म्हणतात जर तुला आपले स्वतःचे हीत करून घ्यायचे असेल तर तुझे चित्त भक्तिभावपूर्वक शुद्ध कर.