1147.
श्री चांगदेव महाराजांची समाधी

निवृत्तिदेवा योग्य गगेचे ते स्नान | करू अवघेजण आवडीने ॥१॥
तीर्थयात्रा होईल देवसमागमे | केवढा महिमा रामे सांगितला ॥२॥
मार्गी चालताती भक्त आणि हरी | आले भुलेश्वरी अवघेजण ॥३॥
भुलेश्वरालागी पूजा केली सांग | भक्‍त पांडुरंगे तीन रात्री ॥४॥
तेथून वैष्णव चालियेले हरी | आले सिद्धेश्वरी देवभक्त ॥५॥
|पाराशर ऋषींचे स्थळ पुरातन | राहिले तारायण पंचरात्र ॥६॥
सामा म्हणे देवा भावे कपिलेश्वरा | आनंद ऋषीवरा जाला फार ॥७॥