3413.
(छ. शिवाजी महाराजांनी तुकाराम महाराजांना नेण्याकरता घोडाकारकून अबदागिरी पाठविली त्यावेळी कारकुणा बरोबर पाठविलेला निरोप)
दिवट्या छत्री घोडे । हे तो बऱ्यांत न पडे ॥१॥
आता येथे पंढरिराया । मज गोविसी कासया ॥धृपद॥
मान दंभ चेष्टा । हे तो शूकराची विष्ठा ॥२॥
तुका म्हणे देवा । माझे सोडववणे धावा ॥३॥

अर्थ :
प्रथम तुकाराम महाराज देवाला म्हणतात की, देवा दिवट्या छत्री घोडे हे माझ्यासाठी चांगले नाही. हे पंढरीराया आता या मोहात तू मला कशाला गुंतवत आहेस ? मानसन्मान, दंभ, प्रतिष्ठा हे तर मला शुक्राच्या विष्ठेप्रमाणे आहेत. तुकाराम महाराज म्हणतात, यातून मला सोडवण्यासाठी देवा तुम्ही लवकर धावा.