3752.
सगुण गुण माया । आली कोल्हाटीणखेळाया ॥धृ.॥ प्रपंचाचा रोविला वेळु । चहूंशून्यांचा मांडिला खेळु । ब्रह्माविष्णु जयाचे बाळुलागती पाया ॥१॥ आला गडे निर्गुणांचा कोल्हाटी । सोहं शब्दे ढोलगें पिटी । चैतन्याची उघडून दृष्टी । चला जाऊ पाहाया ॥२॥ कोल्हाटीण मारितीऐशी उडी । एकवीस स्वर्गावरती माडी । देखे द्वारखिडकी उघडी । अगाध माया ॥३॥ कोल्हाटीणबसली असे डोळा । जाणे गुरुपुत्र विरळा । एकाजनार्दनीं लीळा । जाती वर्णाया ॥४॥