2381.
आम्हा येणे न जाणे जिणें ना मरणें । करणे ना भोगणें पापपुण्य ॥१॥
जैसे असों तैसे आपोआप प्रकाशों । कवणा न दिसो ब्रह्मादिका ॥२॥
नवल नवल सांगती सखोल । अनुभवीं हे बोल जाणताती ॥३॥
आम्हा कवण पदा जाणे ना कवण देवा भेटणें । आप आपणांमाजी राहणें अखंडीत ॥४॥
सत्य कैलास वकुंठ हे आम्हा माजी होती जाती । या सकळा विश्रांती आमुच्या रुपीं ॥५॥
चंद्र सुर्य तारा हा पंचभौतिक पसारा । आम्हांमाजीं खरा होत जात ॥६॥
इतुके दिधले आम्हांक गुरुजनार्दनी । एक जनार्दनी । एका जनार्दनी व्यापियेला ॥७॥