2155.
काय करू जी दातारा । काही न पुरे संसारा ॥१॥
जाली माकडाची परि । येतो तळा जातो वरी ॥धृपद॥
घाली भलते ठायी हात । होती शिव्या बैस लात ॥२॥
आदि अंती तुका । सांगे न कळे झाला चुका ॥३॥

अर्थ :
हे दातारा मी काय करू कारण संसारासाठी कितीही काही केले तरी ते पुरेच पडत नाही. ज्याप्रमाणे एखादे वानर खांबाला बांधले तर ते जसे खाली जा वर ये असे करत असते त्याप्रमाणे माझी स्थिती झाली आहे. भलत्याच ठिकाणी भलत्याच विषयाला हात घालतो त्यामुळे लोक तुम्हाला शिव्या घालतात लाथा हाणतात. तुकाराम महाराज म्हणतात देवा सुरुवातीपासून आतापर्यंत माझ्याकडून चुका झाल्या आहेत आता त्या कोणत्या आहेत हे तुला सांगायची गरज मला वाटत नाही.