775.
ठेविले जतन । करूनिया निज धन ॥१॥
जयापासाव उत्पत्ती । ते हे बीज धरिले हाती ॥धृपद॥
निवडिले वरळा भूस । सार आइन जिन्नस ॥२॥
तुका म्हणे नारायण । भाग संचिताचा गुण ॥३॥

अर्थ :
हरीच्या प्राप्तीचे नीज धन मी जतन करून ठेवले आहे. ज्यापासून सर्व जगाची उत्पत्ती आहे ते बीजच मी हाती धरले आहे. मी फोलपाट (भुसा) बाजूला सारून हरीची निवड केली आहे. तुकाराम महाराज म्हणतात तो नारायण माझ्या भाग्यात आला हे माझ्या संचिताचे गुण आहे.