719.
अभ्यासिले वेद जाला शास्त्रबोध | साधिल्या विविध नाना कळा ॥१॥
प्रेमाचा जिव्हाळा जव नाही अंतरी | तंव कैसा श्रीहरी करील कृपा ॥२॥
हित ते आचरा हित ते विचारा | नामी भाव धरा जाणतेनो ॥३॥
प्रसंगी पुराने ऐकिली श्रवणी | त्यातील कोण मनी धरील अर्थ ॥४॥
काय ते सांडिले काय ते मांडिले | काय ते दंडविले प्रवृत्तीसी ॥५॥
अनंत ह्या मूर्ति पाहिल्या लोचनी | यातील कोण ध्यानी प्रतिबिंबली ॥६॥
स्वप्नाचिया परी देखसी अभ्यास | न धरीच विश्वास चित्त तुझे ॥७॥
वांझेचिये स्तनी अमृताची धणी | मृगजळ पाणी तान्हा बोले ॥८॥
तरी प्रेमेविण कलती क्रियाकर्मे | हाती येती वर्मे विठोबाची ॥९॥
दृष्टीचे देखणे श्रवणीचे ऐकणे | मनाचे बैसणे एक होय ॥१०॥
नामा म्हणे तरी विठो येऊनि भेटे | कायाच पालटे कैवल्य होय ॥११॥