3.
एकादशीस अन्नपान । जे नर करिती भोजन ।
श्‍वानविष्ठेसमान । अधम जन ते एक ॥१॥
ऐका व्रताचे महिमान । नेमे आचरती जन ।
गाती ऐकती हरिकिर्तन । ते समान विष्णुसी ॥२॥
अशुद्ध विटाळशीचे खळ । विडा भक्षिता तांबुल ।
सांपडे सबळ । काळाहाती न सुटे ॥३॥
सेज बाज विलास भोग । करिती कामिनीचा संग ।
तया जोडे क्षयरोग । जन्मव्याधी बळिवंत ॥४॥
आपण नवजे हरिकीर्तना । आणिका वारी जाता कोणा ।
त्याच्या पापे जाणा । ठेंगणा तो महोमेरु ॥५॥
तया दंडी यमदुत । झालेस तयाचे अंकित ।
तुका म्हणे व्रत । एकाद्शी चुकलिया ॥६॥