1925.
पाहा परदारा जननिये समान | परद्रव्य पाषाण म्हणोनि मानी ॥१॥
निदेसी तू मुका होऊनि तत्त्वतः | परेद्वेषी तत्त्वतः न घाली दृष्टी ॥२॥
ऐसे दृढ मनी धरूनि राहसी | तरी माझे पावसी निजपद ॥३॥
पराकारणे प्राण वेंचि जो सर्वथा | जाणे परवेथा कळवळोनी ॥४॥
परसुखे संतोष धरी जो मानसी | जरी तुज परलोकासी जाणे आहे ॥५॥
देहाचा अभिमान न धरावा चित्ती | धरावी उपरति उपशम् ॥६॥
|सर्वकाळ प्रीति संतांचि संगति | गावे अनुरागे प्रीति ना माझी ॥७॥
सर्वांभूती सर्वदा ऐसी समबुद्धि | सांडावी उपाधि प्रपंचाची ॥८॥